34.7 C
Manila
Thursday, March 28, 2024

Cebu: Mayor Chan mipadangat sa iyang pasiunang tubag labot sa pasangil sa malversation batok kaniya, samtang wa pa niya madawat ang pormal nga reklamo

- Advertisement -

Cebu City – Nipadangat sa iyang inisyal nga tubag si Lapu-Lapu City Mayor Junard Chan labot sa gipasakang kaso sa pito ka mga Barangay Kapitan sa syudad ngadto sa buhatan sa Visayas Ombudsman labot sa giingong kwestyonable nga transaction sa Covid-19 related expenses.

Visit RPN DYKC Cebu

Gipahibaw ni Chan nga wala pa siya maka dawat sa kopya sa Ombudsman complaint nga gisang-at nila ni ABC President ug Basak Barangay Kapitan Eduardo Cuizon ug unon ka mga kaubang kapitan.

Dili pa hinoon siya (Chan) pormal nga maka tubag sa pasangil sa iyang gihulagway nga ‘detractors’, apan basi sa mga gibutyag sa mga sakop sa media ngadto kaniya, ang complaint basi kini sa Commission on Audit (COA) findings, hinungdan nga informal lang ang iyang gihatag nga tubag.

“Kung ang COA 2020 report maoy ilang gibasehan, wala tay na disallow sa COA, so para nako walay basehanan, kay nakapasar man sa COA,” pasabot ni Chan.

Dugang niini nga bisan sa 2021, ang COA wala mo issue ug disallowance o suspension sa tanang nilang fiscal transactions.

Alang sa mayor nga ang tanan kabahin lang iyang gihulagway nga ‘game plan’ sa iyang ‘detractors’ ug politically motivated alang sa nagsingabot nga election.

Karong umaabot piniliay sa Mayo 2022, si Congresswoman Paz Radaza maoy moatbang ni Chan sa pagka mayor sa dakbayan.

Kasong malversation ug of funds ug kalapasan sa anti graft and corruption ang gisang-at sa pito ka mga barangay kapitan pinanguluhan ni ABC Pres Cuizon.

“Kahibalo ko nga dunay kaso nga ilang i-file ana, i-timing panahon sa eleksiyon. Para sa pag-pintal sa atong mga maayong nabuhat ngadto sa katawhan. Wala man sila’y ma-issue against me, mao nga maghimo sila. Tungod sa pagpangga sa mga Oponganon dire kanako, naghimo sila’g strategy.” pasabot ni Chan.

“Kahibawo nako niadto pang September sugdan nila og pugong ang budget hangtod karon aron di ko makalihok,” dugang sa mayor.

Gipahibaw sa mayor nga human mapugngi ang budget, mi sang-at sila ug kaso batok kaniya.

“Magfile og kaso sa mayor para naa silay ika bansiwag, nga ang mayor dunay kaso,” mensahi niini.

Nakita niini nga giplano ang tanan, gipangandaman ug gihan-ay.

Nagkanayon ang mayor nga basi sa nakita sa press conference niadtong Pebrero 15, naghimo na sila ug nagpost ug tarpaulin sa background labot sa kaso batok kaniya.

“Gi-hukman na ta nila for political propaganda para sa mga tawo,” mensahi ni Chan.

Gibutyag sa mayor nga ika lima na kini nga kaso batok niya, kansang upat ka laing kaso gitakda na ang resolution.

Ang mga na unang kaso, gipasaka sa 28 ka mga barangay kapitan nga ka alyado ni Radaza.

Ning bag-o duna na lay pito ka mga complainant batok kaniya.

“Ako ning atubangon ug tubagon,” saad ni Chan.

Gipasabot sa mayor nga kung ang ilang basehan sa pagpasaka sa kaso mao ang report gikan sa audit office, matod niini nga ang COA wala mo disallow o suspend sa bisan unsa nila nga transaction sukad sa 2020 hangtud sa 2021.

Dugang pasabot sa mayor nga pagka 2020 maoy pagsugod sa Covid-19 pandemic sa syudad, diin diha ra sa ilang panimalay ang katawhan ug wala tugti nga maka gawas gumikan sa lockdown.

Gumikan sa kanihit sa suppliers niadtong higayona, sa kahadlok sa Covid, sigon pa sa mayor nga ang syudad kinahanglang molihok aron maka apod apod ug pagkaon sa mga na lockdown.

Gibarugan sa opisyal nga ang syudad midawat sa mga supplier nga misalmot, ug matod pa nga na cleared sa COA ang tanan nilang transactions.

(News & photo courtesy of Lapu-Lapu City PIO)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -