General Santos City – Walay nadakpan sa GenSan sulod sa unang adlaw sa implementasyon election gun ban ug COMELEC checkpoint kung asa nahimong manageable ang mga checkpoint sa dakbayan.
Sumala kang Police Lt. Clarizel Perez, tigpamaba sa Gensan City Police Office nga matag adlaw adunay scheduled checkpoint ang walo ka mga Police Station alayon sa ilahang COMELEC checkpoint sa ilahang mga area of responsibility.
Pagpaklaro niya nga adunay team ang City Headquarters aron musuta kung napatuman ug sakto ang mga COMELEC checkpoints sa dakbayan.
Dugang pamahayag ni Police Lt. Perez nga aduna random checkpoint nga himuon ang managlahing police station sa ilahang area of responsibility hilabina sa mga lugar nga adunay taas nga kaso sa krimen.
Ang basehan matud pa nila sa random checkpoint mao ang crime incident sa milabay’ng tuig ingon man ang crime clock.
Ang upat matud pa ka fix border checkpoint ang kanunay nga magpabilin gumikan gawas sa security, ginagamit usab kini isip parte sa COVID response sa lokal nga panggamhanan.
Kalabot niini, gibutyag ni PLt. Perez nga anaa sa 13 ka mga COMELEC checkpoint ang anaa sa GenSan, walo niini sa mga police station, upat ang fix checkpoint nga anaa sa border samtang usa ang checkpoint gikan sa City Mobile Force Company.
Gawas matud pa sa mga personahe gikan sa managlahing Police Station, adunay pwersa gikan sa Police Regional Office 12 ang gipang-augment aron sa pagbantay sa mga COMELEC checkpoint.
(Source: GSCPO)