Gipasalamatan ni Cebu Governor Pamela Baricuatro ang mga retiradong empleyado sa Cebu Provincial Capitol tungod sa ilang dugay nga pagtrabaho ug pagserbisyo sa mga Cebuano.
Gihimo ang unang grand reunion sa Cebu Provincial Capitol Retirees Association o CePCRA sa Capitol Social Hall. Giabiabi ni Gov. Pam ang mga retirado ug giingnan sila nga parte gihapon sila sa pamilya sa Capitol.
Matud sa gobernador, dako ang natabang sa mga retiradong empleyado sa pagpalambo sa Capitol ug sa serbisyo para sa mga Cebuano. Miingon usab siya nga gusto niyang ihatag ang iyang pinakamaayong serbisyo sa Cebu samtang siya pa ang gobernador.
Sa maong kalihokan, gipangulohan ni Juditha S. Bonita ang unang mga opisyal sa CePCRA. Matud ni Bonita, ang pagretiro dili katapusan sa kinabuhi, kundili pagsugod sa bag-ong yugto. Aduna nay 429 ka miyembro ang asosasyon.
📸 Cebu Province PIO
I via Renante Socia Lada