Nasikop sa mga pulis ang usa ka lalaki nga gikatahong armado sa Barangay Guadalupe, Cebu City, sayong buntag kagahapon Agosto 14, 2026.
Gidakop sa mga pulis sa Police Station 9 ang suspek human kini makit-an nga adunay pusil. Wala siya makapakita og dokumento nga nagtugot kaniya sa pagpanag-iya sa armas.
Nakuha gikan kaniya ang usa ka homemade nga .38 caliber nga rebolber ug duha ka bala. Gidala ang suspek sa Police Station 9 ug giandam ang mga dokumento alang sa pagsang-at og kaso batok kaniya tungod sa pagpanag-iya og armas nga walay hustong permiso.
📸 CCPO
I via Renante Socia Lada