Gipahibalo sa National Grid Corporation of the Philippines (NGCP) nga ubos sa Yellow Alert ang Visayas Grid karong Agosto 15, 2026, gikan alas-5 sa hapon hangtod alas-8 sa gabii.
Base sa advisory, anaa sa 2,487 megawatts (MW) ang available capacity samtang ang peak demand gilauman nga moabot sa 2,337 MW.
Lakip sa hinungdan sa Yellow Alert ang wala paggana sa dagkong coal plants nga TVI 1 ug TVI 2, ug limitado nga power import gikan sa Mindanao tungod sa maintenance outage sa GNPK 2.
Aduna usab 13 ka power plants nga nag-operate sa ubos nga kapasidad, samtang pipila pa ang naka-forced outage, nga miresulta sa total nga 821.5 MW nga wala magamit sa grid.
Matod sa NGCP, ang Yellow Alert ipahibalo kung kulang ang operating margin aron matuman ang gikinahanglang safety reserve sa transmission grid. Bisan pa niini, igo pa ang suplay aron matubag ang kasamtangang panginahanglan sa kuryente.
📸 NGCP
I via Renante Socia Lada