Nakig-partner ang Cebu Provincial Government sa 11 ka pribadong ospital ug duha ka pharmacy aron mas mapaspas ang paghatag og tabang sa mga Cebuano nga nanginahanglan og ayuda, ilabi na sa medical emergencies.
Gipirmahan ni Gov. Pamela Baricuatro ang kasabutan kagahapon Agosto 14. Tumong niini nga mas dali ang pagproseso ug pag-release sa tabang.
Ang AICS sa Capitol naghatag og tabang para sa gasto sa ospital ug tambal, lubong, pamasahe, edukasyon, pagkaon ug uban pang panginahanglan sa mga pamilyang nanginahanglan.
Ang programa gidumala sa Provincial Social Welfare and Development Office o PSWDO. Gipa-simple usab sa Capitol ang proseso ug naggamit og digital verification aron mas dali makadawat og tabang ang mga aplikante.
📸 Cebu Province PIO
I via Renante Socia Lada