Nunot sa pakigpulong sa mga grupo sa mangingisda nga milangkob sa City Fisheries and Aquatic Resources Management Council (CFARMC) ngadto sa buhatan sa City Agriculture ning dakbayan, nagpasa kini og resolusyon nga gi-aprubahan ni City Mayor Darel Dexter T. Uy alang sa paghangyo nga tugotan sila sa pagpanagat og tuloy sulod sa mga bulan nga adunay “ban” sa pagpanguha sa tuloy kon “Tuloy Fishing Ban”.
Giduso ang maong hangyo sa rason nga apiki ang panginabuhian sa mga mangingisda ning dakbayan tungod sa nagapadayong pandemya.
Mamahimong tugutan ang mga mangingisda sa pagpanagat apan wala’y apil niini ang lupoy lakip na ang pag-gamit og kubkuban, basnigan ug paulbo sa pagpangisda niini.
Sa katapusan, padayon gihapon ang pagtuon sa mga hingtungda’ng buhatan kabahin niini alang sa dugang kahibalo kalabot sa saktong pagdumala sa pagpangisda sa isdang tuloy.
(Source: Dipolog City Government Facebook page)
