Nagpadayon ang Sangguniang Bayan sa Sindangan sa ilang legislative functions pinaagi sa paghisgot sa nagkadaiyang importanteng agenda atol sa ilang Regular Session.
Lakip sa mga gideliberar sa konseho ang proposed ordinance alang sa pag-regulate sa PISO Wi-Fi vending machines ug public internet kiosks sulod sa lungsod, nga nagtumong sa paglatid og klarong mga lagda sa operasyon ug pagsiguro sa patas ug kasaligan nga internet access alang sa publiko.
Gihisgutan usab ang nagkadaiyang committee reports, resolutions, ug communications, lakip ang hangyo sa Office of the Municipal Mayor nga motambong ang Municipal Treasurer sa umaabot nga August regular session aron maghatag og update bahin sa local revenue collection ug sa mga hinungdan sa pagkunhod niini.
Gitan-aw usab sa Sangguniang Bayan ang umaabot nga pagpirma sa Memorandum of Agreement tali sa Local Government Unit of Sindangan ug DILG Regional Office alang sa Local Legislative Tracking System, ingon man ang launching sa Paleng-QR Ph Plus.
Pinaagi sa padayon nga mga sesyon ug deliberasyon, gipadayon sa Sangguniang Bayan ang ilang tahas sa paghimo og mga polisiya ug paghatag og legislative support nga nagtumong sa mas responsive, transparent, ug episyenteng serbisyo publiko alang sa mga katawhan sa Sindangan.(IKEN B. GULLEM)
Source: Municipality of Sindangan