Misalmot ang Lokal nga Panggamhanan sa Gutalac, ubos sa pagpangulo ni Municipal Mayor Eddie Justin T. Quimbo, sa launching sa DILG Region IX MATINO Program ug ceremonial Memorandum of Agreement (MOA) signing alang sa Legislative Tracking System niadtong Hulyo 28, 2026.
Mitambong usab sa maong kalihokan si Municipal Vice-Mayor Aljohn Garzon, uban nila ni Sangguniang Bayan Member Floro Serda Jr., Secretary to the Sangguniang Bayan Daniel Atilano, Municipal Administrator Atty. Doreena Pauline Aranal, ug Administrative Officer V Lorna Candelaria.
Gitumong sa maong inisyatiba ang pagpalig-on sa transparency, efficiency, ug accountability sa lokal nga pangagamhanan pinaagi sa paggamit sa teknolohiya sa pag-monitor ug pagdumala sa mga legislative measures.
Gilauman nga makatabang ang Legislative Tracking System sa mas organisado ug episyenteng pagproseso ug pag-monitor sa mga lehislatibong lakang, nga mosuporta sa pagpalambo sa serbisyo publiko alang sa mga residente sa Gutalac.
Nagpakita usab ang pag-apil sa LGU Gutalac sa maong inisyatiba sa ilang padayon nga paningkamot sa pagpalig-on sa lokal nga lehislatura ug pagpalambo sa responsive, transparent, ug accountable nga pangagamhanan.(IKEN B. GULLEM)
Source: LGU Gutalac- Public Information