Wednesday, May 29, 2024

Dipolog: OCD 9 nagpahigayon og KALASAG Seal and Excellence Award Orientation

- Advertisement -

Gipangunahan sa Office of Civil Defense (OCD)-9 ang Kalamidad at Sakuna Labanan, Sariling Galing ang Kaligtasan (KALASAG) Seal Award Orientation Seminar nga gipahigayon sulod sa Zamboanga del Norte Convention and Exhibition Center sa Barangay Estaka, Dakbayan sa Dipolog.

Sa mensahe ni Governor Rosalina “Nanay Nene” Jalosjos nga gibasa ni Atty. Mark Jerome C. Labad, malipayong gidawat ug gipasalamatan sa gobernador ang mga partisipantes sa pagtambong sa gipahigayong Orientation on the Gawad Kalasag Seal and Special Awards for Excellence in Disaster Risk Reduction Management and Humanitarian Assistance.

Subli niyang gipahinumdom sa mga partisipantes ang duha ka mga dagkong pagbaha nga nasinatian sa Zamboanga del Norte, diin nagkalisod ang Kagamhanang-Probinsyal paghatag sa mga panginahanglan sa mga biktima sa baha.

Tagsa-tagsa usab nga gipasabot ni OCD-9 Planning Section Chief, Mr.  Angelito Casinillo ang mga guidelines sa GK Award ug ang mga angayng himoon sa mga MDRRMOs aron makab-ot ang gikinahanglang grado para makaangkon sa pasidungog.

Sa mensahe ni OCD-9 Regional Director, Mr. Ramon Ochotorena, gihatagan niini’g gibug-aton ang kamahinungdanon sa tukmang pagresponde sa panahon sa emerhensiya ug kalamidad, dili lamang sa tinguhang makab-ot ang Kalasag Award kundili mahimo usab kining basehan pagsukod sa level sa ilang performance sa aspeto sa disaster risk reduction management ug paghimo ug mga kausaban sa mga butang diin ang usa ka MDRRMO dunay pagkulang ug pag-improve niini aron mas mahimong episyente sa umaabot nga mga panghitabo.

Sa labing ulahing assessment, ang dakbayan lang sa Dipolog ug Dapitan ingonman lungsod sa Labason ug Siocon ang Fully Compliant sa mga gabayang gitakda sa KALASAG.

Source: PIO Zanorte Facebook page
- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -