Nakadaog og 12 ka Stevie Awards ang SM Group atol sa 2026 International Business Awards, diin giila ang ilang mga programa sa corporate reporting, sustainability, community engagement ug customer experience. Upat sa mga awards nadawat sa SM Investments Corporation, ang parent company sa SM Group.
Nakakuha ang SM Investments og Gold Stevie Awards alang sa Conglomerates (Large) ug Best Annual Report pinaagi sa ilang 2025 Integrated Report. Nakadawat usab kini og Bronze para sa 2025 Sustainability Report ug Bronze alang sa SM Sustainability School isip Sustainability Initiative of the Year sa Asia, Australia ug New Zealand.
Samtang, walo ka awards ang nadawat sa SM Supermalls, lakip ang Gold alang sa Philippine International Pyromusical Competition, Silver alang sa Find Your SM campaign, SM Green Movement, SM Cares Coastal Cleanup ug SM Cares: A Mall for All. Nakadawat usab og Bronze ang SM Cares Book Nook ug SM Mindanao Art, nga naghatag og mas dakong exposure sa mga Mindanaoan artists ug ilang mga obra. Ang International Business Awards, nga anaa na sa ika-23 nga tuig, nag-ila sa mga organisasyon ug propesyonal nga nakahatag og mahinungdanong kontribusyon sa negosyo ug komunidad sa tibuok kalibotan.