Gipalig-on sa Bureau of Fire Protection – Sindangan Municipal Fire Station o BFP Sindangan MFS ang pakiglambigit sa kabatan-onan pinaagi sa pag-apil sa Public Safety Youth Ambassador Workshop ubos sa pagpangulo ni FSINSP Francis Carl T. Paulite, Municipal Fire Marshal.
Gipunting sa workshop ang pagpalapad sa kahibalo sa kabatan-onan bahin sa mga tahas ug responsibilidad sa mga ahensya sa public safety sama sa BFP, Bureau of Jail Management and Penology o BJMP, ug Philippine National Police o PNP. Gihisgutan usab ang crime prevention, fire safety, disaster preparedness, emergency response, responsableng paggamit sa social media, leadership, ug values formation.
Pinaagi sa pakigtambayayong sa mga eskwelahan, ahensya sa gobyerno, ug mga stakeholder sa komunidad, gidasig ang mga kabatan-onan nga aktibong moapil ug mahimong mga kabahin sa pagpasiugda sa kaluwasan, responsibilidad, ug serbisyo sa komunidad.
Nagpadayon ang BFP Sindangan MFS sa pagpalig-on sa fire prevention, public safety education, ug pakigtambayayong sa komunidad isip kabahin sa ilang pagserbisyo ug pagpanalipod sa katawhan.(JENIFFER JR. DELICA)
Source: BFP R9 Sindangan Municipal Fire Station v2