Malampusong gipahigayon ang “Launching of Community-based Immunization” alang sa Measles, Rubella, Tetanus ug Diptheria kaganihang buntag, Nobyembre 12, ning tuiga didto sa 2nd Floor, Incident Command Post ning dakbayan, sa may alas- 9:00 ang takna. Ang maong kalihokan ang gipangunahan sa buhatan sa City Health ilawom sa pagdumala ni City Health Officer, Dr. Rowel J. Mata.
Ang maong kalihokan ang gitambongan nila ni City Health Officer, Dr. Rowel J. Mata, kinsa mipabati sa iyang mensahe alang sa pagbukas sa maong aktibidades ug City Vice Mayor, Horacio B. Velasco, kinsa mipabati usab sa iyang hamubong mensahe kabahin sa importansya nga mabakunahan ang mga kabataan arong mamahimo silang luwas sa mga sakit. Anaa usab si DOH PFO-ZN Development Management Officer, Dra. Jane L. Jaug nga mipabati usab sa iyang mensahe sa pagpasalamat sa malampusong pagpahigayon sa maong kalihokan lakip na ang mga “staff” gikan sa City Health Office, kinsa mao’y mibakuna sa mga kabataan nga anaa usab didto.
Nasayran nga ang mga kabataan nga nabakunahan sa nasangpit nga kalihokan nagpanuigon gikan sa sais (6) hangtod dose (12) ang pangidaron. Tumong sa maong kalihokan ang ma-enganyo ang mga ginikanan nga mabakunahan ang ilang mga kabataan aron mamahimong luwas sila sa nagkalain-laing mga sakit.
(Source: City Information Office | Dipolog City Government Facebook page)