Gihulagway nga mainiton ang pagsugat sa mga “kakampink” ang pag-abot ni Incumbent Vice-President ug Presidential aspirant Leni Robredo ubang kang Incumbent Senator ug Vice Presidential aspirant Francis “Kiko” Pangilinan kinsa mibisita sa Sugbo, Biyernes, Nobyembre 12, 2021.
Mi courtesy visit sila si Robredo ug Pangilinan kang Cebu Archbishop Jose Palma sa Archbishop’s Palace sa Sugbo, diin gipahigayon sa ang ilang closed-door meeting pasado alas 9 sa buntag.
Si kanhi City Administrator Francisco “Bimbo” Fernandez usa sa gatosan nga mi welcome sa duha niya ka alyado ug mga kauban.
GIbisita sab presidential ug vice presidential aspirant ang grupo sa Dayon Advocacy Coalition Kusina sa BUB (Butoom-Up-Budgeting) nga mi welcome kanila human gi unveil ang Kusina Inato streamer program sa Archbishop Palace Residence Covered Court.
Duna kini tema nga “Pamilyang Nagsamasama para Labanan ang Matinding Kahirapan at Gutom”
Pag tugpa pa lang nilang Robredo ug Pangilinan sa Mactan Cebu International Airport gisugat na kini sa ilang mga supporters nga naka pink attire.
Diha say grupo nga misugat sa PAG-ASA sa Airport Road ug sa Marina Mall area sa Barangay Ibo ug Pusok.
Taas sab ang naglinya ug pulos nagkaway kaway ang mga misugat sa Marcelo Fernan Bridge, diin namuwak ug mga pink nga ribbon ug banner.
Lahos na sa U.N. Avenue sa Barangay Umapad ang mga supporters nga naghuwat sa pag-abot sa duha ka mga kandidato sa 1sambayan.
Sa Archbishop Palace na ang ilang unang stopover ug lahos na sa ubang lugar sa Sugbo.
Sila si Robredo ug Pangilinan maoy labing uwahing mibisita sa Sugbo nga dunay kapin sa 3 milyones nga mga botante.
Naka bisita na sila si Ping Lacson, BongBong Marcos ug si Mayor Sara Duterte-Carpio, Manila Mayor Isko Morena kinsa magpapili sa pagka presidente sa nasud alang sa Mayo 2020 National and Local Elections.
(News & photo courtesy of Friends of Vice President Leni Robredo’s Facebook account)