Cebu City – Gipadayag ni Cebu City Mayor Michael Rama nga dili pa una siya mopatuman ug preventive suspension sa mga officials sa Market Operations Division (MOD).
Kini bisan kon ang National Bureau of Investigation (NBI) naka identify na ug lima ngadto sa 10 ka mga persons of interest nga nalambigit sa extortion case sa Carbon Market.
Matod ni Rama nga maghuwat pa siya sa resulta sa imbestigasyon, pero iyang gi assign si Racquel Arce pag oversee sa MOD sa kasamtangan ug mo siguro nga wala nay dugang bogus activities nga mahitabo sa merkado.
Gitahasan ni Rama sa pag imbestiga ang mga buhatan sa Human Resources Department, City Legal Office ug Resident Ombudsman.
Si Manlalaban Renan Oliva, director sa National Bureau of Investigation Central Visayas (NBI-7) mipahibaw nga mipahigayon sila ug halawom nga imbestigasyon pag ila sa possibling mga ka kunsabo ni Kara Marie Bargamento, administrative aide III sa City Hall nga incharge sa Market Operations Division sa Freedom Park ug sa Warwick Barracks.
Nasikop si Bargamento human kini pasanginli nga nang extort sa mga Carbon Market Vendors.
Naka pyansa hinoon si Bargamento ug ₱ 90,000 niadtong Biyernes, Nobyembre 26, o duha ka adlaw human siya gi aresto.
Panawagan ni Oliva ngadto sa mga vendors kinsa nabiktima ni Bargamento nga mobisita sa ilang buhatan.
(News & photo courtesy of Cebu City Mayor’s Office | National Bureau of Investigation-7)
