Lain na usab nga pamilya ang malipayong nagpakadawat sa proyekto sa local government unit sa lungsud sa Polanco pinaagi sa buhatan sa Municipal Social Development sa nahisgutan nga lungsod. Ang proyekto mao ang pabahay project.
Niining higayuna, malipayong gidawat ni Ester Recamara ug sa iyang pamilya sa barangay New Sicayab, lungsod sa Polanco ang ilang pinuy-anan. Kini human nga pormal nga gi turned-over sa imaging adlaw ang 100% completed pa bahay projects sa LGU Polanco.
Nasayran nga ang maong pa bahay projects programa ubos sa initiative ni Ms. Jay Sebastian sa MSWD. Kini nga programa hugot nga gi suportahan ni Mayor Evan Hope (Boyet) Olvis kauban sa Sangguniang Bayan pinanguluhan ni Vice Mayor Alfredo Bait-it ug mga konsehal nga maoy nag gahin og pundo aron ang maong programa mahatagan sa katumanan.
Nunot sa maong programa nga matabangan ang katawhan sa Polanco nga nangandoy nga makabaton og pinuy-anan apan walay igong pundo nga ipatukod niini. Ang matag beneficiary makadawat sa tag 150 mil ka pesos. Subay niini, kinasingkasing nagpasalamat si Ester Recamara ngadto kang Mayor Olvis ug bise Bait-it ug mga konsehal ingonman ni Ms. Jay Sebastian ang MSWDO sa paghatag sa haruhay nga kapuy-an.
(Photos courtesy of Polancohanon Polanco ZN Facebook account)