28.9 C
Manila
Friday, March 29, 2024

Cebu City Police Office nangandam sa posibling pagsaka sa kriminalidad nonot sa paglibkas sa curfew sa syudad

- Advertisement -

Cebu City – Gibutyag ni Police Lieutenant Colonel Wilbert Parilla, deputy director for operations sa Cebu City Police Office (CCPO) ang ilang labing uwahi nga safety measures nonot sa pag libkas na sa curfew sa syudad sugod pagka Pebrero 24, 2022.

Visit RPN DYKC Cebu

Gipadayag ni Parilla nga ilang gi anticipate ang possibling crime incidents nga mamahimong mahitabo human sa pagwagtang na sa curfew.

Himoon nila sa kapolisan sa syudad mao ang pagpalapad sa police visibility pag counter sa posibling mga mahitabo.

Atol sa ika 85 nga Charter Day Celebration sa Syudad sa Sugbo, gipahibaw ni Rama ang iyang Executive Order (EO) 163 nga magbukas na sa sugbo sa mga dagkong Covid-19 restrictions sa dakbayan.

Lakip na niini ang pag libkas sa curfew sa mga hamtong, wala hinoon kini maglakip sa mga minors ang pagwagtang sa curfew.

Sa ilang bahin ang Cebu City Prevention Restoration Order Beautification and Enhancement (PROBE) team mipasidaan sa mga ginikanan nga kung ang ilang mga kabataan masakpan nga unsupervised human sa alas 10 sa gabii nga curfew sa mga minors, duna silay tulubagon.

Sa unang gabii sa paglibkas sa curfew sa adults sa Syudad sa Sugbo, ang PROBE team naka talak ug duha ka minors nga gi rescue human kini makit-i nga naglaag gawas sa ilang panimalaway nga walay adult supervision.

“Diha tay nadakpan duha ka minors. Actually, dili kita nidakop, giturn over lang sa atong holding area gikan sa barangay. So ato pud giturn over sa DSWS (Department of Social Welfare and Services) staff. Kini sila after na sa alas dyes, nagsuroy-suroy gihapon. Giprocess na to para mapatawag ang ginikanan,” pahibaw ni Racquel Arce, ang pangu sa PROBE team.

Ang EO 163 ni Mayor Michael Rama o ang Oplan Kagawasan nag libkas sa curfew sa mga hamtong, pero pabilin nga ipatuman ang curfew sa mga minors alas 10 sa gabii hangtud sa alas 4 sa buntag, subay sa ordinansa sa syudad.

Mamahimo hinoon silang maka gawas basta kuyug nila ang ilang mga ginikanan o guardians.

(News & photo courtesy of Cebu City Police Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -