Cebu City – Nag anam-anam na ug katin-aw kung kinsa gyud ang mga mo kandidato sa partikular nga posisyon sa Metro Cebu ug probinsya sa Sugbo alang sa Mayo 2020 elections.
Miabot na ug di mo menus 11 ka mga political candidates ang mi withdraw sa ilang kandidatura o naka hukom nga modagan ug laing posisyon.
Ubos sa Comelec Laws, gitugot ang substitution sa mga kandidato hangtud sa Lunes, Nobembre 15, 2021.
Sa syudad sa Sugbo, mi atras si kanhi Mayor Tomas Osmena sa iyang kandidatura alang sa pagka kongresista sa South District.
Nahitabo kini duha ka adlaw human siya mi deny sa iyang pag back out sa iyang gilangsaran nga position.
Mag-atbang unta sila si Osmeña ug si konsehal Edu Rama.
Gipahibaw ni Election Officer Omar Mamalinta nga personal nga mi-adto sa buhatan sa Comelec si Osmeña aron pag withdraw sa iyang kandidaturra.
“Kinahanglan man nga kanang mu-file ka’g withdrawal , mao gyud mu-file personally…by the aspirant,” matod ni Mamalinta.
Gibutyag ni kanhi konsehal Margot Osmena, nga gipili sa iyang bana nga hingpit kining mo suporta sa iyang (Margot) kandidatura.
“Nisulti siya nga ang iyang gusto mohatag og full support sa akong kandidatura. He will be the dad to Mom,” sigon pa ni Margot.
Si Margot midagan batok kang Bise Mayor Michael Rama, kinsa usa ka kanhi Mayor.
Nagsilbi sab si Rama nga Bise Mayor ni Osmeña kaniadto.
Mo hulip sa gidaganan ni Osmeña ang anak ni incumbent South District Rep. Rodrigo Abellañosa nga si BG Rodrigo.
Naka file na si BG sa iyang dokumento ngadto sa Comelec.
Samtang sa Syudad sa Talisay, na usab ang huna huna ni Mayor Gerald Anthony Gullas ug mi desisyon nga dili na mopadayon sa iyang pagpapili sa pagka kongresista sa Unang Distrito sa lalawigan.
Naka hukom si Samsam nga magpa reelect ug gi endorso ang iyang asawa nga si Rhea, alang sa pagka kongresista.
Si Rhea kinsa initially mi file ug COC sa pagka mayor, sigurado nang mahimong kongresista tungod kay walay laing ni file sa maong position.
Gihimong rason ni Samsam sa iyang pagpuli sa gidaganan sa iyang asawa, matod pa mao ang personal na nga pagpangataki sa iyang kaatbang ngadto sa iyang asawa; butang nga gihimakak ni Vice Mayor Alan Bucao mi kandidato sa pagka Mayor.
Sa Dakbayan sa Lapu-Lapu, mi withdraw sab sa iyang COC pagka konsehal sa Syudad si Dr. Retchie Martinez nga midagan ubos sa line up ni Mayor Junard Chan.
Gihulipan si Martinez sa kanhi Barangay Kapitan Joseph Pangatungan, kinsa unang midagan pagka konsehal nga independent.
Sa Lungsod sa Astrurias, mi-atras sab si mayoralty candidate Junthy Valenzuela; gipulihan sa Valenzuela ni Dana Dumdum, kinsa gihulipan ni Joel Dumdum sa vice mayoralty.
Didto sa Lungsod sa Carmen mipuli si Martin Gerald Villamor sa na unang mayoralty aspirant nga si Al Silvestre Damilles.
Kalabot sa mga municipal councilours dunay upat ka mga konsehal nga gipulihan sa tulo ka lungsod-Asturias, Carmen ug Minglanilla.
(News & photo courtesy of Commission on Elections (respective LGUs))
