Mitahan sa iyang kaugalingon ang usa ka miyembro sa Platoon West, SPRC MUSA (GF 73) sa New People Army kon NPA nga naga-operate sa T’boli ug Lake Sebu, South Cotabato ngadto sa 11th Special Forces Company (Riverine) (11SFC(R)), 5th Special Forces Battalion (5SFBn) ug sa LGU sa barangay Edwards, Tboli, South Cotabato.
Bitbit niini sa iyang pagsurender ang usa ka US M1 Cal.30 Carbine (folding stock) rifle nga may usa ka magazine ug tulo ka rounds of cartridge Cal.30 ammunition.
Matud ni Alias Kat-kat nagdesisyon siya nga magsurender human matud pa nga wala natuman ang gisaad kaniya sa grupo nga abundanteng panginabuhi para sa iyang pamilya.
Kalabutan niini naghatag ug P10, 000 immediate assistance ang LGU Tboli sa nasangpit ug gihatagan usab kini ug duha ka sako nga bugas.
Samtang i-enrol usab ang surrenderee sa Enhanced Comprehensive Local Integration Program (E-CLIP) sa South Cotabato diin ipailawomuna kini sa profiling ug validation aron makadawat ug firearms remuneration, livelihood assistance, deradicalization programs ug uban pang mga benepisyo.
Gipaniguro usab sa pamunuan sa 5th Special Forces Battalion ang padayon nga pagtabang sa LGUs gikan sa provincial padulong sa barangay level aron nga maawhag ang uban pang miyembro sa NPA nga magsurender.
(Source: T’BOLI LGU, (11SFC(R)))