Gilusad kagahapong adlawa, Pebrero 14 ang pagpamakuna batok COVID-19 sa mga batang nag-edad 5-11 anyos dinhi sa Cagayan de Oro pinangulohan sa Department of Health Region 10, LGU-CDO, kauban ang pribado ug pampublikong hospital ug pribadong sektor.
Giklaro sa CDO vaccination team nga sa kasamtangan wala pa gitugot ang ‘walk-in’ alang sa maong pediatric age group sa 5 to 11 years old, sanglit maghulat pa gihapon sa text sa petsa ug venue sa schedule.
Karong adlawa, abli ang vaccination sites nga gidumala sa syudad alang sa naka-schedule diha sa JR Borja General Hospital ug SM Downtown Premier, samtang sa DOH-managed sites anaa usab ang St. Francis Hospital, Polymedic Medical Plaza ug Capitol University Medical Center.
Alang sa wala pa makaparehistro sa ilang mga kabataan, mahimong moadto sa COVID-19 vaccination preregistration link pinaagi sa https://services.cagayandeoro.gov.ph:8087/vaccprereg/.
(Source: CIO | Cagayan de Oro City Philippines Facebook page)