Mannarimaanen a maiprosproseso ti ipaay ti gobierno probinsial a tulong para iti maikadua a bansada dagiti agtartaraken ti baboy a naapektaran dagiti tarakenda iti African Swine Fever wenno ASF a saan a nai-enroll iti insurance.
Segun kenni Provincial Veterinarian Dr. Loida Valenzuela, napirmaanen ni Gob. Matthew J. Marcos Manotoc ti application for claims dagiti nadakamat nga agtartaraken ti baboy.
Nupay kasta, inbunannagna a saanna a masinunuo no kasano ti kabayag a maiproseso dagiti kasapulan a dokumento.
Impalgakna a ti maikadua a bansada ket agdagup ti pito punto walo a milyon a pisos.
Imbatad ni Valenzuela nga adda pay ti maikatlo ken maikapat a bansada a namnamaenna a maudin a naapektaran dagiti tarakenda iti ASF.
Innayonna a karaman kadagiti maudi a maipaayan ti tulong dagiti agtartaraken ti baboy iti siudad ti Batac kalpasan a naudi ti nasao a siudad a nakaisubmitir iti listaan dagiti nagnagan dagiti agtartaraken ti baboy a naapektaran ti ASF.
(Source: Provincial Government of Ilocos Norte)
