Naila na nga ang Covid-19 usa ka virus nga padayon sa pag-usab-usab kon pag-mutate nga miresulta sa paglungtad sa mga variants niini.
Nangawas ang nagkadaiyang variant sugod niadtong tuig 2021 samtang sa bulan sa Disiyembre unang milungtad ang B.1.1.529 o mas giila nga Omicron variant sa nasud sa Pilipinas.
Gumikan niini mihangyo si Provincial Inter-Agency Task Force Dr. Jerie Calingasan nga kon ang usa ka empleyado sa Kapitolyo Probinsyal adunay balatian sama sa ubo, hilanat, fatigue, night sweats ug runny nose, kinahanglan niini nga mohatag og medical certificate sa dili pa mubalik sa ilang mga opisina.
“This is what I will request from the very honorable good Governor today and Ma’am Inday who is in-charge of the sick leaves and everything that when you are sick today, especially if you have cough, fever, fatigue, night sweats, runny nose, these are all symptoms of Omicron, you need a Medical Certificate before you could come back to the office,” sulit ni Dr. Calingasan.
Dugang niini nga kinahanglan kon adunay mabatian nga sintomas, gidili nga musulod sa ilang buhatan ug kinahanglan nga magpatan-aw usa sa doktor.
“If you have these symptoms today, please do not get inside the office but you have to see our Provincial doctor,” sulti ni Dr. Calingasan.
Gitaho sab ni Dr. Calingasan ang mga butang nga angay buhaton aron makalikay nga mataptan sa maong variant nga gilangkoban sa dili pagsul-ob sa cloth mask.
Mamahimo lamang nga mogamit sa cloth mask apan gikinahanglan nga magsul-ob sab og 3-ply nga mask samtang ang N95 ug N96 nga klase sa mask hugot nga rekomendar nga maoy gamiton.
Mihangyo sab si Dr. Calingasan nga imintinar ang bentilasyon sulod sa opisina ug padayunon ang kanunay nga paghugas sa kamot aron dili dali nga mataptan sa bisan unsang matang sa virus.
Sa bahin ni Gobernador Bambi Emano, iyang giawhag ang katawan nga bisan paman nga mikunhod na ang kaso sa COVID-19 sa probinsya dili gyod gihapon magkumpyansa.
Gani, hugot ang panawagan niini nga magpabakuna ug kung moabot ang higayon nga adunay opurtunidad alang sa booster dawaton kini sa walay pagduha-duha.
(Source: Misamis Oriental Provincial Information Office Facebook page)
