Cagayan de Oro napili isip usa sa project site alang sa Capacitating Strategic Organizations to Strengthen the Civil Society Organization Sector (CSO²) Project uban ang Iloilo city, Davao city ug National Capital Region diin gipresenta kini ngadto kang Mayor Oscar Moreno ug City Social Welfare and Development Overseer Michael Christopher Fabello bag-ohay lang.
Ang CSO² Project nga adunay pundo balor $ 2 million grant sa United States Agency for International Development (USAID) ubos sa Local Works programming molungtad sulod sa tulo ka tuig.
Tumong niini nga mapalig-on ang kapasidad sa Civil Society Organizations (CSOs) ug ang mga network niini aron maserbisyohan ang Local Resource Organizations (LROS) ug ang performing CSOs.
Lakip sa implementing partner ang Save The Children Philippines, Ateneo Center for Organizational and Development (CORD) Philippine Institute of Certified Public Accountants (PICPA).
Ang maong kalihokan naglantaw nga maka-ambit sa self-reliance ug sustainability sa mga CSO ug mga network niini sa tibuok nasud.
(Source: Cagayan de Oro City Information Office)
