Kas paset ti agtultuloy a panagkumit a mangitandudo iti de kalidad nga early childhood education ken nutrision, sibaballigi nga inwaras ti Gobierno Munisipal ti Solsona dagiti ECCD Checklists, Workbooks, Big Books, ken Milk Feeding supplies kadagiti amin a 22 a Child Development Centers. Panggep daytoy nga aramid a mangipaay kadagiti Child Development Workers kadagiti nasken a materiales iti panangisuro, bayat a masigurado nga umawat dagiti agtutubo nga agad-adal iti umno a sustansia a suporta para iti nasalun-at a panagdakkel ken panagdur-asda. Babaen kadagitoy a panagregget, patalgedan manen ti Gobierno Munisipal ti dedikasionna a mangsuporta iti tunggal ubing a babaen ti panangparnuayna iti natibker a pundasion para iti panagsursuro, salun-at, ken naraniag a masakbayan. By: Niña Tabilos