Cebu City – Hingpit nang napahimutang ang patayng lawas ni Cebu City Mayor Edgar Labella sa Golden Haven Park, Barangay Binaliw, Syudad sa Sugbo, Biyernes, Nobembre 26, 2021.
Gilubong si Labella usa ka semana human sa iyang pagkamatay niadtong milabayng Biyernes, Nobyembre 19.
Gihabulan sa Philippine flag ang lungon ni Labella ibabaw sa karo nga napuno sa mga buwak, padung sa iyang lubnganan, nga dunay abay nga upat ka mga sundawo nga nagbarug.
Gipahigayon ang requiem mass sa Cebu Metropolitan Cathedral alas 12 sa udto sa wala pa gihatud, ug gihatagan sab ug 21 Gun Salute pinaagi sa Philippine Army.
Nag gikan ang lawas ni Labella sa Cebu City Hall diin gipahigayon ang public viewing.
Mihalad sab ug water salute ang Cebu City Risk Reduction Management Office u gang Cebu City Fire Office ngadto sa namatayng mayor, pag-abot gikan gihaya sa Crystal Palace sa miaging adlaw.
Sud sa pipila ka adlaw nga haya sa mayor, giduaw kini nagkalain laing hut-ong sa katawhan dili lang sa mga Sugboanon kundi lakip na sab ang taga national.
Sa necrological service kaganina, emosyonal ang mga mipaambit sa ilang eulogy ug gihandum ang maanindot nga kinabuhi ug mga kasinatian dihang buhi pa ang mayor.
Gihandum sa pamilya ang kabootan ug katarong ni Labella.
Si kanhi City Administrator Floro Casas sa iyang eulogy, mipaambit sa gihimong mga paningkamot sa mayor ug lakip na ang gibuhat sa iyang mga kritiko.
Namatay si Labella Nobembre 19, gumikan sa septic shock secondary to pneumonia.
Lakip ang Malacanang sa mga mipadangat sa ilang pahasubo human masayod sa pagtaliwan ni Labella.
Pormal na sab nga nanumpa ug milingkod sila sa Cebu City Mayor Michael Rama ug Vice Mayor Donaldo Hontiveros.
Subay niini, miluwat na sab sa ilang resignation ang pipila nga dunay coterminous appointment nga sakop ni Labella.
(News & photos courtesy of Cebu City PIO | Cebu City Disaster Risk Reduction Management Office)