El Oficina del Agricultor de la ciudad de Zamboanga (OCA), oficialmente ya comenza el celebracion del Mes de la Nutricion (Nutrition Month), por medio el colgada del tarpaulin, un senyales na diila campaña para na propio nutricion, seguridad de comida, y saludable comunidad.
Conel actividad ya encavesa si City Agriculturist Arben Magdugo, Junto con Assistant City Agriculturist Engr. Erwin Kulayan, quien ambos expresando diila suporta para na consciente sobre el la nutricion y na promoviendo conel sostenible programa dentro na ciudad.
Na mensaje di City Agriculturist Magdugo, ay ta enfatiza le el importancia del propio nutricion na cada cual familia. Asegun pa con Magdugo, el un saludable familia ta servi un fundacion de solido, productivo, y resiliente comunidad.
Expresando tambien el lleno suporta del Oficina del City Agriculturist, para conel City Nutrition Council na implementada del maga varios programa y actividades, y con objeto para na mejorada del salud y bienestar del maga Zamboangueños. (Keith Luna)