Nagpatuman og fire truck visibility ug preparedness activities ang Dapitan City Fire Station isip kabahin sa ilang pagpangandam batok sa posibleng epekto sa El Niño niadtong nilabay nga adlaw.
Gipangulohan ni FSINSP Rommel M. Rojas, REE, Acting City Fire Marshal, ang maong kalihokan ubos sa BFP Action Plan on El Niño Preparedness, Mitigation, Response and Recovery ug sa pagpatuman sa Heightened Alert Status o Code Blue.
Tumong sa kalihokan ang pagpalig-on sa kahandam sa mga personnel, pagpaayo sa kapasidad sa pagresponde sa emerhensiya ug pagsiguro nga dali silang makatabang sa komunidad kon adunay mga insidente nga may kalabotan sa grabeng kainit o uban pang epekto sa El Niño.
Sumala sa Dapitan City Fire Station, padayon nilang gipalig-on ang ilang kahandam ug pagmonitor aron mapanalipdan ang kinabuhi ug kabtangan sa katawhan batok sa posibleng mga peligro nga dala sa grabe nga kondisyon sa panahon.(JENIFFER JR. DELICA)
Source: BFP R9 Dapitan City Fire Station