El nuevo construido Coast Guard Sub-Station Corcuera, locao na calle Corcuera , Port Area, Ciudad de Zamboanga, formalmente ya inaugura y ya bendeci pormedio el Guardia Costera de Filipinas.
Conel ceremonia de inauguracion, ya encavesa el Comandante de Coast Guard District Southwestern Mindanao, Commodore Rejard V. Marfe, junto conel Alcalde de Ciudad de Zamboanga, Hon. Khymer Adan T. Olaso.
Presente tambien na mentionao actividad, el maga representantes de Philippine Coach Guard Auxiliary, maga agencias del govierno local, partes interesadas del sector maritima, shipping companies, personajes de Coast Guard, y canda Lieutenant Commander Vincent Bryan M. Marcos, Station Commander, CGS Zamboanga, y Lieutenant Commander Pedmar A Maldora, OIC, Maritime Safety Law Enforcement Group Southwestern Mindanao (MARSLEG-SWM).
Asegun con Commodore Marfe, cay el nuevo construido facilidad ay servi un simbolo de dedicao servicio y mafuerza compromiso na salva guardia conel vida, suporta y el desarollo nacional y local para conel maga designao personajes del Guardia Costera.
Asegun el concentrada del nuevo sub-station, para na omento fuerza de capacidad y habilidad para na rapido respondida na incidentes maritima, reglamento de seguridad, y el disposicion del inmediatamente asistencia na comunidad. (Keith Luna)