30.9 C
Manila
Friday, March 29, 2024

Batac: Ilocos Norte, maika-15 kadagupan dagiti 81 a probinsia ditoy pagilian iti 2021 CMCI survey

- Advertisement -

Nagun-od ti Ilocos Norte ti maika-sangapulo ket lima a puesto kas Most Competitive Province iti 2021 Cities and Municipalities Competitiveness Index wenno CMCI Survey nga insayangkat ti Department of Trade and Industry.

Visit RPN DZKI Iriga

Inawat a mismo ni Gob. Matthew J. Marcos Manotoc ti plaque of recognition ken certificate nga inpaay ti nadakamat nga ahensia.

Segun kenkuana, dakkel a pakaidayawan ti probinsia ti panagbalinna a maika-sangapulo ket lima kadagupan dagiti wallopulo ket maysa a probinsia iti intero a pagilian.

Imbatadna a ti napateg ket adu a probinsia ti inabak ti Ilocos Norte ken namnamaen ti gobernador a ngumato pay ti puesto ti probinsia kadagiti sumarsaruno a tawen.

Inlawlawagna a kalpasan a naisentro ti imatang ti probinsia iti salun-at ket mapan iti benneg ti ekonomia, trabaho ken livelihood kadagiti sumarsaruno a gundaway.

Inbunannagna a makitaripnong kadagiti pannakabagi ti DTI iti mabiit tapno masigurado a maiyallubog dagiti tignay nga isayangkat ti probinsia iti programa ti ahensia.

Innayonna a nagasat ti Ilocos Norte iti kaadda dagiti pannakabagi ti DTI ditoy probinsia a mangipapaay ti naiget a suporta kadagiti amin a ganuat ti probinsia.

(Source: Provincial Government of Ilocos Norte)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -