Gikan sa kinatibuk-ang ihap nga 1,666 ka mga empleyado nga gipromotar, laing serye na sab sa pagpirma sa promosyon ang malampusong gipahigayon sa Panggamhanang Lokal sa Misamis Oriental sa pagpanguna ni Gobernador Bambi Emano.
Ning bag-o, 78 kanila ang gi-promote ni Governor Emano kinsa mga kawani gikan sa nagkalain-laing buhatan sa Kapitolyo samtang unom sab gikan sa Misamis Oriental Provincial Hospital (MOPH) kung asa moabot na og 1,750 ang ihap sa tanang napromotor ubos sa liderato niini.
Sa iyang mensahe, gitin-aw ni Gobernador Bambi nga walay siya sukad nangayo og baylo bisan piso alang sa mga gipang-promote nga empleyado nga sukwahi sa naandang paagi sa miaging administrasyon ug panghinaot niini sa mga napromotar nga unta palanggaon susama sa iyang pagpangga ang Misamis Oriental nga maoy nahimong ikaduhang puy-anan sa amahan sa lalawigan sulod sa siyam ka tuig nga pagpangatungdanan sa probinsya.
(Source: PIO | Misamis Oriental Provincial Information Office Facebook page)
