Miresponde ang Shift B Emergency Medical Services sa Liloy Municipal Fire Station sa usa ka emergency medical case sa Barangay Baybay, Liloy, Zamboanga del Norte niadtong Hulyo 23 human adunay pasyenteng nakit-an nga walay panimuot ug naglisod og ginhawa.
Pag-abot sa mga responder, ilang naabtan ang pasyente nga naghigda sa higdaanan ug walay panimuot. Sa inisyal nga assessment, nakumpirmang adunay pulso ang pasyente apan naglisod og ginhawa. Dihang pag-atiman, gihatagan dayon kini og oxygen pinaagi sa nasal cannula ug giandam alang sa luwas nga pagdala ngadto sa ospital.
Dayon nga gidala ang pasyente sakay sa BFP ambulance ngadto sa Liloy Integrated Health District Hospital aron maatiman sa mga doktor ug matambalan sa hustong paagi.
Luwas nga natugyan sa EMS team ang pasyente ngadto sa mga medical personnel sa ospital uban sa resulta sa ilang assessment ug sa mga emergency care nga ilang nahatag atol sa pagresponde.(JENIFFER JR. DELICA)
Source: BFP R9 Liloy Fire Station