Mitala og pinakataas nga COVID 19 recovery ang Cagayan de Oro adlaw’ng Lunes, Pebrero 14 human makasinati sa sunod-sunod nga pagsaka sa milabay’ng bulan.
Basi sa datos sa City Health Office, mokabat sa 385 ang natala’ng recovery niini samtang padayong miubos usab ang daily cases sa syudad.
Anaa na lamang usab sa 392 ang kasamtangang na-admit sa nagkalain-laing hospital kon itandi sa 590 niadtong Pebrero 3 ug 1,909 ang anaa sa mga isolation facilities nga nakasinati lamang sa mild symptoms ug asymptomatic.
Tungod sa maong kalamboan, gipakanaog na sa National IATF sa Alert Level 2 ang Cagayan de Oro sugod ugma’ng adlawa, Pebrero 16 hangtud Pebrero 28.
Apan bisan pa niini, naghangyo pa gihapon si Mayor Oscar Moreno sa katawhan nga sundon kanunay ang minimum public health standards sa adaw-adlaw nga kalihukan.
(Source: CIO | Cagayan de Oro City Philippines Facebook page)
