Gikoronahan si Cindy Morados isip unang Kinabayo Queen 2026 atol sa coronation night nga gipahigayon niadtong Hulyo 23 sa Kinabayo Site atubangan sa Government Center sa Dapitan City.
Girepresentahan ni Morados ang New Dakak by the Mercados ug nakadaog batok sa siyam pa ka kandidata sa kompetisyon.
Kauban niya sila si Kristine J. Damonsong sa Dapitan City Water District, nga ginganlan isip Kinabayo Queen Tourism 2026, ug Princess Domadigo Dagpin sa Jonggie’s Belgian Waffle Café, nga nakakuha sa titulo nga Kinabayo Queen Heritage 2026.
Sa Question and Answer portion, gipangutana ang mga finalist bahin sa potensyal sa turismo sa mga isla sa Selinog ug Aliguay ug kung unsaon pagpauswag niini samtang gitubag ang mga hagit nga giatubang sa mga komunidad, lakip ang limitadong access sa tubig ug kuryente ug problema sa solid waste management.
Gipakita sa top three candidates ang ilang mga ideya kung giunsa paggamit sa ilang mga plataporma aron matubag ang mga panginahanglan sa mga komunidad samtang mapreserbar ang natural ug kultural nga kahulogan sa mga isla.
Si Morados, usa ka Magna Cum Laude graduate sa Communication and Media Arts sa University of the Philippines ug incoming second-year Juris Doctor student, mipresentar sa iyang advocacy nga “ATONG DA•PI•TAN.”
Nakaangkla ang iyang action plan sa tulo ka importanteng aspeto, pagpalig-on sa partisipasyon sa komunidad, pagpalambo sa cultural ug destination dialogue, ug paghatag og suporta sa panginabuhian sa mga lokal nga residente.
Dili lamang isip beauty competition, ang Kinabayo Queen nagsilbi usab nga plataporma alang sa mga batan-ong Dapitanon nga kababayen-an aron mapalambo ang ilang mga advocacy ug mapakita ang kultura, kasaysayan ug identidad sa Dapitan City.
Isip bag-ong mga reyna sa Kinabayo, gilauman nga ilang gamiton ang ilang mga plataporma sa pagpromote sa Dapitan City ug pagpadayon sa mga tradisyon ug mithi nga naghulma sa identidad sa Kinabayo Festival.(IKEN B. GULLEM)
Source: Dapitan City Government