Napadayawan ni Gob. Matthew Marcos Manotoc nga ‘’Honorary Governor of the year’’ iti Nation Builders ang Worid Most Sustainable and Livable MOSLIV Awards 2021 manipud iti susutainability standard Icn. Wenno SSI.
Naamaon a ti nasao a pammadayaw ket ipapaay ti SSI kas panangbigbig kadagiti gobernador a mangipaay ti ‘’ecellent’’ ken addaan ti naimballigian a liderato.
Ti Sustainability Standards Inc. ket maysa nga international award-giving body a mangipaay ti pammigbig kadagiti tattao, local government inits, komunidad, organisasionken dadduma pay a kampeon iti pannakaipatungpal ti kinaalibtak ken kinalaing a mangidaulo, mangtaginayon iti panagdur-as ken mangpatalinaed iti naberde nga aldaw.
Mainaig iti dayoty, kas iti sigud, impadanon manen ti gobernador ti panagyamanna kadagiti padana nga agserserbi iti gobierno probinsial, dagiti agserserbi iti gobierno manipud iti suidad, munisipioken barangay pakairamanan dagiti mangidadaulo iti komunidad kangrunaanna kadagiti kakaillian ta para kenkuana saan na a magun-od ti nasao a pammadayaw no awan ti panagkaykaysa ditoy probinsia.
Imbatadna a daytoy ti pammaneknek iti napintas a panagtimpuyog ti publiko ken ti pribado a sector.
Malaksid ti nagun-od ni Gob. Manotoc a pammadayaw ket napadayawan pay ti Ilocos Norte kas ‘’Most Sustainable and Livable Province’’ gapu iti naimballigian a pannakaipatungpal ti mataginayon a panagdur-as ken dagiti proyekto para iti naberberde nga aldaw.
Iti “acceptance speech” ti gobernador, inlawlawaga nga idi apagtugawna a gobernador ti probinsia ket nagbalin a karit kenkuana na kasano na nga ibangon ti probinsia iti perdision a ginubuay ti maysa a bagyo a nangsaplit iti Ilocos Norte a nangibati iti biniyon a pisos ti balorna a nadadel iti benneg ti agrikultura ken infrastraktura.
Kabayatanna, inkari ni Gob. Manotoc ti agtultuloy a panagadaptar ken panangpasayaat ti probinsia iti panagtrabahona tapno ad-adda pay a mataginayon ti panagdur-as ti Ilocos Norte nga addaan iti nasalun-at nga umili ken maipasigurado a tunggal Ilocano ket mabalinna a ragpaten ti arapaapna ditoy probinsia.
Source: PGIN