Gihatagan og tabang sa Liloy Municipal Fire Station ang usa ka piniling scholar isip kabahin sa Adopt-A-Scholar Initiative sa Bureau of Fire Protection niadtong Agosto 18, 2026.
Ubos sa direktiba ni FINSP Dave C. Dela Cruz, Acting Municipal Fire Marshal, boluntaryong mitabang ang mga personnel sa estasyon aron masuportahan ang panginahanglan sa ilang napiling scholar sa pagpadayon sa edukasyon.
Gitumong sa maong inisyatiba ang paghatag og oportunidad sa mga estudyanteng nanginahanglan og suporta aron mapadayon ang ilang pag-eskwela ug mapalambo ang ilang kahibalo ug kahanas.
Pinaagi sa Adopt-A-Scholar Initiative, gipakita sa BFP Liloy nga gawas sa pagpanalipod sa kinabuhi ug kabtangan batok sa sunog, apil usab sa ilang serbisyo ang paghatag og suporta sa edukasyon ug kaugmaon sa kabatan-onan.(JENIFFER JR. DELICA)
Source: BFP R9 Liloy Fire Station