Gipahugtan sa Bohol Provincial Police Office (BPPO) ang seguridad sa mga eskwelahan sa tibuok probinsya human sa shooting incident sa usa ka high school sa Zamboanga City.
Gimandoan ni Bohol Gov. Aris Aumentado ang BPPO, ubos sa pagpangulo ni Provincial Director PCol. Patricio Degay Jr., nga palig-onon ang seguridad ug surveillance sa mga eskwelahan.
Gipalig-on usab ang koordinasyon sa kapulisan ug mga school authorities aron mapanalipdan ang mga estudyante, magtutudlo, ug school personnel.
Matod ni Gov. Aumentado, dili angay hulaton nga adunay mahitabo una molihok. Ang kaluwasan sa mga kabatan-onan usa sa mga nag-unang responsibilidad sa kagamhanan.
I via Renante Socia Lada