Gitubag sa LDRRMO Tampilisan ang vehicular accident sa Barangay Znac, Tampilisan alas 4:03 sa hapon niadtong Agosto 18, diin usa ka 33 anyos nga pasyente gikan sa Poblacion, Tampilisan ang nasamdan.
Nagtamo ang pasyente og laceration sa ulo ug gituohang fracture sa ubos nga bahin sa tuo nga paa. Gilayon siyang gihatagan og first aid sa dapit mismo sa insidente.
Human sa paunang pag-atiman, gidala ang pasyente ngadto sa Liloy Hospital alang sa dugang nga medical evaluation ug pagtambal.
Gipahinumdoman sa LDRRMO Tampilisan ang mga motorista nga kanunayng mag-amping sa pagmaneho ug mosunod sa mga lagda sa road safety aron malikayan ang mga aksidente sa dalan.(JENIFFER JR. DELICA)
Source: LDRRMO Tampilisan