Mitubag dayon ang Duty Shift B EMS personnel sa Dapitan City Fire Station sa usa ka medical emergency niadtong Agosto 16, diin usa ka pasyente ang nakasinati og mga samad sa nawong, siko, kamot ug tuhod.
Pag-abot sa responders, nakaplagan ang pasyente nga adunay panimuot ug maayong pakigkomunikar samtang naglingkod sa kilid sa dalan. Gihimo dayon ang initial assessment ug gisusi ang iyang vital signs, lakip ang blood pressure nga 140/80 mmHg ug oxygen saturation nga 97 porsyento.
Gihatagan dayon ang pasyente og first aid pinaagi sa paglimpyo sa mga samad, pagbutang og sterile dressing ug pagsiguro niini gamit ang benda. Gitambagan usab siya nga magpa-checkup sa ospital alang sa dugang nga medical evaluation.
Bisan pa sa maong tambag, mibalibad ang pasyente sa transportasyon ngadto sa ospital ug mipirma sa waiver. Human masiguro nga nahatag ang gikinahanglang first aid, mibalik sa ilang estasyon ang EMS team.(JENIFFER JR. DELICA)
Source: BFP R9 Dapitan City Fire Station