Dinipensahan ni Sen. Christopher Bong Go ang Balik Probinsiya Program.
Ito’y matapos magpositibo sa coronavirus disease 2019 (COVID-19) ang isang benepisyaryo ng nasabing programa.
Ayon kay Go, dumaan muna sa health inspections ang naturang benepisyaryo bago ito umuwi sa kanilang tahanan sa Leyte.
Sa katunayan aniya mayroon itong “required health certification” mula sa Department of Health (DOH) at Local Government Unit bago ito pinayagan maging bahagi ng programa.
Iginiit ni Go na lahat ng benepisyaryo na umalis ng Metro Manila patungong Leyte noong Mayo 20 ay nakapag-comply sa mga kinakailangang health certfication.
Posible umanong dahil nga sa kakaibahan ng katangian ng COVID-19 ay hindi pa rin agad ito nakita sa mga ginawang pagsusuri sa naturang benepisyaryo ng programa.
