Nadakpan sa kapulisan ang ikatulong suspek sa pagdagit ug pagpatay kang Leo Selenio Leaño, atol sa padayong hot pursuit operation sa Cebu City kagahapong adlawa Septiyembre 6, 2026.
Mga operatiba gikan sa lain-laing police units sa Cebu City ug Consolacion ang nagtinabangay sa pagpangita sa mga suspek. Alas-7:30 sa gabii, nadakpan ang ikatulong suspek sa Roadstar, N. Bacalso Street, Barangay Basak Pardo, Cebu City.
Ang nadakpan usa ka 31-anyos nga Pilipino ug e-bike driver. Matud sa kapulisan, usa siya sa upat ka mga suspek nga giingong direktang nalambigit sa pagdagit ug pagpatay sa biktima.
Padayon usab ang hot pursuit operation sa kapulisan batok sa ika-upat nga suspek, nga giila lamang sa alyas nga “Shawn,” ug hangtod karon wala pa madakpi.
Matud ni PCOL Ricky C. Sumalde, Acting City Director sa CCPO, walay hunong ang ilang operasyon hangtod nga ang tanang responsable sa krimen madakpan ug moatubang sa hustisya. Padayon usab ang imbestigasyon sa kaso.
I via Renante Socia Lada