Gipadayon sa Environmental Management Bureau Region 7 o EMB-7 ang pagmonitor sa kalidad sa hangin sa Central Visayas tungod sa gikatahong haze sa pipila ka lugar sa rehiyon.
Base sa update alas-7 sa buntag, 158 ang Air Quality Index (AQI) sa Metro Cebu, giklasipikar isip “Very Unhealthy.” Nagpasabot kini nga ang kalidad sa hangin mahimong makadaot sa kahimsog, ilabi na sa mga sensitibo sa polusyon.
Samtang sa Barangay Cabitoonan, Toledo City, 45 ang AQI ug giklasipikar nga “Good” o maayo ang kalidad sa hangin.
Girekomendar sa EMB-7 nga likayan una ang mga outdoor activity ug pag-ensayo sa mga lugar nga taas ang AQI. Kung dili malikayan ang paggawas, girekomendar ang pagsul-ob og N95 o KN95 mask.
Kinahanglan usab nga hatagan og dugang pag-atiman ang mga bata, senior citizen, buntis ug mga adunay problema sa kasingkasing o baga. Gidasig ang publiko nga kanunay mosusi sa opisyal nga update sa EMB-7 bahin sa kalidad sa hangin.
I via Renante Socia Lada