Duha ka mga Isuzu elf closed van namaligya nan gensets tagdakop nan CIDG Surigao del Norte provincial field unit kaiban an DTI-SDN sanan city government tungod sa reklamo na sobra kamahal.
A buy bust operation taglusad kuman udto didto duol sa Parkway Hotel, National Highway, Surigao City sa joint operation nan Oplan OLEA tagpangulohan nan CIDG SDN Provincial Field Unit ubos sa kamanduan ni Police Major Felix Dennis De Paz Alicando, DTI Surigao del Norte tagrepresentahan ni Ma. Lourdes A. Chua sanan Surigao City Government tagrepresentahan ni Atty. Manuelito Delani.
An duha ka Isuzu elf na may markang Muella Trading gikan sa Albay karga an nagkalain-laing model sa generator sets an sumala pa gibaligya sa overpriced na kantidad sama sa 3.5KVA na 40,000 pesos.
