Nakigdialogo ang personnel sa Godod Municipal Police Station, ubos sa direktang pagdumala ni PCPT Harley June B. Mejorada, Officer-in-Charge, sa mga estudyante ug magtutudlo sa Godod National High School sa Barangay Poblacion, Godod, Zamboanga del Norte, ug Raba National High School.
Gipahigayon ang school visitation ug dialogue aron mapalig-on ang panag-uban ug koordinasyon tali sa kapulisan, school personnel, mga ginikanan, ug komunidad. Tumong usab sa kalihokan ang pagpalambo sa kahibalo ug kooperasyon sa mga butang may kalabotan sa kaluwasan, seguridad, ug kaayohan sa mga estudyante.
Gipasiugda sa maong kalihokan ang kahinungdanon sa panagtinabangay sa kapulisan, mga eskwelahan, ginikanan, ug komunidad aron masiguro ang luwas nga palibot alang sa mga estudyante. Kabahin kini sa paningkamot sa kapulisan nga mapalig-on ang ilang koordinasyon sa mga eskwelahan ug komunidad.
Nagpadayon ang Godod Municipal Police Station sa pagpasiugda sa programa ubos sa panawagan nga “Bag-ong PNP para sa Bag-ong Pilipinas: Serbisyong Mabilis, Tapat at Nararamdaman,” nga naghatag og gibug-aton sa serbisyo, seguridad, ug panalipod sa komunidad.(JENIFFER JR. DELICA)
Source: Godod Municipal Police Station