Agi’g pagsunod sa mandato sa Department of Health (DOH) sumala sa requirements Dinagat Islands Barangay Health Worker Registration and Accreditation Committee ang Provincial Government pinaagi sa Provincial Health Office (PHO), nagpahigayon ug Barangay Health Workers Training Course ngadto sa mga barangay health workers (BHW) nga gisugdan niadtong 21-22 October 2021.
Tumong niini nga mapahibalo ang mga BHWs sa ilang katungdanan ug responsibilidad isip usa ka frontliner sa paghatag ug serbisyo ug maghatod sa mga programa pang medical ngadto sa tanang katawhan ug komunidad.
Gitudloan sila kung unsaon pagkuha sa vital signs sama sa blood pressure, heart rate, respiratory rate, temperature, weight and height, growth monitoring, bhw reporting, household profiling, pregnancy tracking, postpartum care, newborn care, family planning program, maternal health, child health, adolescent health, healthcare for adult, ug first aid techniques.
Gikapasidad usab sila sa pag-ila sa non-communicable diseases, unsa ang hypertension, diabetes mellitus, acute gastroenteritis, flu, 10 DOH accredited herbal medicines, ug dugang pagpasabot sa mga programa alang sa persons with disabilities ug elderly o mga katigulangan.
(Source: Dinagat Islands Provincial Information Office Facebook page, photos courtesy of Ana A. Galgo)