Presyo ng bigas bumaba na — Piñol

Ipinabatid ito ni Agriculture Secretary Manny Piñol matapos makatanggap ng mga report hinggil sa pagbaba ng P5 ng presyo ng bigas kada kilo sa iba’t-ibang rehiyon.

Ito na aniya ang pinakamalaking pagbaba sa presyo ng bigas simula nang sumirit ito umpisa pa lamang ng taon.

Sinabi ni Piñol na P4 hanggang P5 ang ibinaba ng presyo ng bigas kada kilo sa Cabanatuan at La Union samantalang piso naman sa Metro Manila.

Tiniyak pa ni Piñol ang inaasahang tuluy-tuloy na pagbaba ng presyo ng bigas sa katapusan ng buwang ito kapag naipatupad na ng gobyerno ang suggested retail price (SRP) para sa apat na variety.