Pagadian City – Zero Casualty kon walay natala nga insidente sa pagpabuto sa probinsya sa Zamboaga del Sur atol sa pagtagbo sa tuig 2022. Kini maoy gipasigarbo sa probinsya diin safe kon luwas ang Zambosurian sa bisan unsang matang sa pagpabuto.
Bisan pa sa ingon masaulogon ug malipayon gihapon ang pagtagbo sa matag pamilya sa pagsalubong sa bag ong tuig. Pinaagi sa pag post sa mga netizen pinaagi sa nagkalain laing social media accounts, makita ang hulagway nga masanagon ang selibrasyon taliwala sa kalisod sa kinabuhi.
Ang pagbanha banha atol sa pagtagbo sa tuig 2022, mao ang pagpatingog sa mga motor, serbato sa mga sakyanan, kagilkil sa mga kaldero ug tarutot alang sa mga kabataan. Wala usab mawala ang fireworks display gikan sa mga munisipyo ug barangay nga maoy maayong talan awon.
Manggipasalamaton ang lokal nga pangagamhanan sa probinsya tungod kay usa kini ka accomplishment ang makatala ug Zero case of deaths and injured individual. Wala usab violation kabahin sa mga kaso sa pagpabuto ug armas.
Sa kinatibuk an, malinawon ang pagsaulog sa bag ong tuig sa dakbayan ug probinsya.
(Photo courtesy of Dr. Anatalio Cagampang)