29.5 C
Manila
Friday, March 29, 2024

Cagayan de Oro: LSB MisOr mipahigayon og year end assessment sa tuig 2021

- Advertisement -

Wala sukad nagmakulang sa paghatag og pagtagad sa edukasyon ang Local School Board (LSB) sa Misamis Oriental pinanguluhan sa amahan sa lalawigan, Governor Bambi Emano.

Visit RPN DXKO Cagayan de Oro

Ang LSB nakatunol na og daghang mga proyekto pinaagi sa Special Education Fund (SEF) ngadto sa mga pampublikong eskwelahan sa lalawigan susama sa pagpatukod og mga school buildings ug uban pang mga gikinahanglan sa mga magtutungha ug mga magtutudlo.

Ning bag-o lang, ang LSB mipahigayon og ika-8 nga Local School Board Meeting alang sa tuig 2021 ug year-end assessment nga gipahigayon sa Sentro 1860 sa Velez Street dakbayan sa Cagayan de Oro.

Gitambongan mismo ni Governor Bambi ang espesyal nga panagtigom kauban sila Committee on Education Board Member Gerardo “Boboy” Sabal III, LSB Secretary Mr. Jerome Mundo, non-teaching President for School Division of Misamis Oriental Mr. Mark Loren Tejano, PTA Federation President of MisOr Mr. Eric Mabelin, MisOr Public School Teachers Association President Ms. Maria Assencion Raffles, Provincial Treasurer Mr. Ronald Violon, ug mga LSB Staff.

Lakip sa highlights sa kalihokan ang pagtunol og Plaque of Appreciation alang sa mga miyembro sa LSB nga gikan ni Governor Bambi kini alang sa ilang walay hunong nga paningkamot sa pagtutok sa mga panginahanglan sa lokal nga sistema sa mga pampublikong eskwelahan ug pagtabang sa pagpundo sa mga panginahanglanon sa mga pampublikong tunghaan.

Tumong sa maong panagtigom aron mas mahatagan pa og dugang pagtagad ang mga gikinahanglan sa matag pampulikong tunghaan sa lalawigan sa umaabot tuig 2022 tungod tinguha sa mga miyembro sa LSB hilabina ni Governor Bambi nga mas mahatagan pa og prayoridad ang sektor sa Edukasyon sa probinsya. (Danny Virtudazo Obsioma Jr.)

(Source: Misamis Oriental Provincial Information Office Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -