Wednesday, May 22, 2024

Pagadian: Zamboanga del Sur magpabilin sa Alert Level 2 sumala sa IATF

- Advertisement -

Zamboanga del Sur – Magpabilin sa Alert Level 2 ang probinsya sa Zamboanga del Sur kauban sa Zamboanga Sibugay, Zamboanga del Norte ug Isabela City, Basilan sugod karong Marso 1 hangtod Marso 15, 2022 subay sa anunsyo sa Inter Agency Task Force (IATF) karong adlawa, Pebrero 27.

Visit RPN DXKP Pagadian

Tungod niini, extended usab ang Executive Order No. 2022-03 ni Governor Victor Yu sumala sa abiso sa Provincial Task Force.

Ilawom sa maong klasipikasyon, mas luag pa gihapon ang quarantine guidelines nga ipatuman sa probinsya sumala sa guidelines sa IATF.

Base sa sumbanan sa alert level 2, ang mga indoor nga kalihokan sama sa meetings, conferences, ug uban pa, tugotan lamang hangtod sa 50% venue capacity, lakip ang face-to-face classes alang sa mga gitugotan nga mag face-to-face classes sa Basic Education ug Higher Education.

Samtang 70% usab sa mga outdoor activities kon ang tanang empleyado sa buhatan nakakompleto sa bakuna batuk COVID-19 ug estriktong masunod ang minimum health protocols.

Sa travel protocols, gikinahanglan lamang ang vaccination card ug ID kung gikan sa alert level 2 ang mga mobiyahe pasulod sa Zambosur.

Ginadili gihapon ilawom sa Alert Level 2 ang sabong, casino, ug uban pa’ng matang sa dula gawas lang sa gitugotan sa IATF.

Sa pagkakaron, padayon gihapong niubos ang kaso sa COVID-19 sa probinsya diin anaa na lamang sa 48 ang total active cases human madugang ang lima ka kaso kagahapong adlawa.

(Source: ZDS Press Bureau, photo courtesy of Victory Zamboanga del Sur)

- Advertisement -

Leave a Reply

- Advertisement -

Related Articles

- Advertisement -
- Advertisement -spot_img

Latest Articles

- Advertisement -