Gipasigarbo sa Panggamhanang Probinsyal sa Misamis Oriental sa pagpangulo ni Gobernador Bambi Emano nga kung sa niaging administrasyon gakaoktaba ang mga remittances sa mga empleyado apan karon sa iyang pamunoan tukma na ang pagsunod sa mga obligasyon ngadto sa nagkalain-laing ahensya sa gobyerno.
“We are now timely, even advanced in our remittances, previously always delayed. Employees can not take all advantage of Philhealth, GSIS, Pag-ibig and BIR. And we had been consistent awardee of Seal of Good Housekeeping.” Sulti ni Gob Bambi atol sa iyang pinakaulahi nga State of the Province Address kon “Taho sa Katawhan.”
Gipaambit sa amahan sa lalawigan nga nakadawat ang probinsya og mga klase-klaseng ganti sama sa Philhealth No Balance Billing Recognition ug ang pinakataas nga average sa tibuok Rehiyon X nakuha sa tuig 2018.
“Although the previous administration left us a big debt, we are happy that Gov. Bambi Emano and Philhealth reached an agreement to continue our services for the people of Misamis Oriental.” pahayag ni Marlon Arabaca nga taga-Philhealth atol sa paghatag sa Capitation Fund sa probinsya niadtong tuig 2017.
Dako og kalipay ang Philhealth sa padayon nga pakigtimbayayong sa Panggamhanang Probinsya sa ilang buhatan aron mahatag ang tukmang serbisyo alang sa mga Misamisnon ug inisyatiba kini nga gibuhat sa amahan sa lalawigan nga bisan nagbilin og utang ang kanhi administrasyon og ₱ 243 milyones sa Philhealth.
Nagpadayon ang pakigtimbayayong sa Panggamhanang Probinsyal sa Misamis Oriental sa mga nagkalain-laing ahensya sa gobyerno aron makab-ot ang laraw niini nga mahatag ang panginahanglanon ug hustong serbisyong panglawas sa mga Misamisnon.
(Source: PIO | Misamis Oriental Provincial Information Office Facebook page)
