Zamboanga del Sur – Malampusong gipahigayon sa PDAO, kon Person with Disability Affairs Office ang Year-End Program Implementation Review og Pamaskong Handog ni Governor Victor Yu, kaganinang buntag ning adlaw nga Lunes sa may Executive Function Hall Capitol Complex.
Matud ni Miriam Llanos ang Provincial PDAO Head og ang National President of the League of Persons with disability Affairs Officers of the Philippines nga adunay 27 ka mga Municipyo ang nakadawat og cheke nga mukantidad sa 500 ka pesos, dugang pa nga mukabat usab sa 33 ka mga Barangay nga sakop sa syudad sa Pagadian ang nakadawat sa Bundle of Joy.
Gibutyag sa PDAO Head nga ang cheke nga ilang madawat nagdepende sa pila ka meeting ang ilang naapilan. Gitino ni Governor Yu nga maayo ang pag-organisa sa mga PWD aron nga mas mulig-on pa ang presentasyon sa matag-usa, og nanghinaot kini nga mahimong aktibo ang kada myembro niini.
Gisaysay usab sa Gobernador nga dili man tuod sila perpekto apan ilang gipaningkamotan nga mahatod ang mga tabang og programa nga mapahimuslan sa tanan og mabati sa mga katawhan ang good governance sa administrasyon niini. Samtang nadawat usab sa napiling myembro sa PWD ang foodcart nga gigahin sa DOLE aron magamit og makahatag og dugang income ngadto kaniya.
(Source: Zamboanga del Sur press bureau, photo courtesy of Victory Zamboanga del Sur)
